浦东浦兴骑游队出游滴水湖等地

哈哈达人

静思 发表于 2013-11-21 07:31
哈哈，达人说的有道理，大有钦差巡查气度。不知九品官买帐哇？

肯定当成没有看见!

言午50

添柴、生火炊烟弥漫，镬子盖头还没开，阿拉已经闻得了扑鼻个香气，我个馋老虫也拨伊勾出来了。

言午50

烧个是大镬灶，用个是镬铲，盛出来个是菜叶瓣还呒没拨焐黄脱个道地个本帮寒酸饭。

饭还呒没烧好，香气就已经冒出来了，我老里老早个伸长仔头颈，眼睛盯牢搿只辣辣冒热气个镬子，我脑子里辣想，搿歇就算吃弗着，蹲辣灶头边浪闻闻香味道也好个。
出镬子喽！总算好吃喽！
我眼睛瞪牢只镬子，瞪到眼乌珠子碧绿，看呀！菜叶瓣哪能还是绿个啦，赞！

浦兴姚姚

这种大灶台烧的饭，应该有30多年没吃过了，不要说是咸肉菜饭了，在我读书的时候放暑假回宁波老家，那时都是大灶台，可是那时穷啊，不会买咸肉烧菜饭的，现在农村条件也好了但大灶台基本也不用了。

浦兴姚姚

最好现在来咯2碗。

哈哈达人

浦兴姚姚 发表于 2013-11-21 15:58
最好现在来咯2碗。

我当时就吃了3碗,好过瘾!味道确实赞!

言午50

浦兴姚姚 发表于 2013-11-21 15:58
最好现在来咯2碗。

姚姚！寒酸饭来了，侬想要吃几碗就吃几碗，自家盛。

队友胖阿姨个人缘是好，伊拉屋里自家烧个一大镬子寒酸饭还呒没吃光脱，隔壁邻舍又送过来拍拍满个一面盆寒酸饭。

言午50

哈哈！啥物事介好吃，来煞弗及个要用手拿了吃？一边吃，一边还辣辣讲：脆个！香透香透！赞！赞货！
饭䊓！晓得了伐？是饭䊓。也叫镬焦，乃朝侪叫伊“锅巴”了。
我也弗客气，拿起一块饭䊓就吃。迭个物事真个赞，吃到嘴巴里向是打耳光也弗肯吐出来个。
一眼眼饭䊓，一歇歇就拨大家分光脱了。
等我别转身来，想再吃一块个辰光，镬肚底里只挺下来一眼焦饭䊓了，我管伊了，焦饭䊓也好个更加香，吃！

浦兴姚姚

这饭不错，将来有机会，重温一下。

言午50

右半边着绿衣裳个就是热情招待阿拉个胖阿姨，福相个胖阿姨一直是只笑嘻嘻个面孔。
看到人家吃了介开心，伊也开心煞了。
胖阿姨派头蛮大个，搿趟伊是大开销了，先是请阿拉吃正宗个寒酸饭，走个辰光，伊又送拨阿拉每人一大袋个桔子搭仔甜芦粟咾啥。