20130920浦兴街道骑游队连牢七日天带蓬帐，观潮、游富春江

言午50

迭个人辣辣采红菱，我立辣水塘边浪看牢伊采，伊搭人家弗一样个，人家是坐辣只脚桶里，氽辣水面浪采个，伊是直接立辣水里向采个。
等伊采好，我直接就问伊买了廿块洋钿个嫩红菱，分拨大家吃，大家侪讲，到底是新鲜个好吃，搭菜场里买个味道弗一样个。

言午50

雪莲 发表于 2013-9-28 16:32

谢谢关注

静思

谢谢言午楼主，你的照片拍的老灵咯。
侬咯上海本地台也灵咯，不知大家是否都看懂了。
借言午楼主的宝地，也来发些照片。
在骑往乍浦的途中休息，队员们在交流感兴趣的话题。

言午50

@浦兴姚姚 侬帮一只狗，两家头一道辣海看啥西洋镜？
哈哈！
啥物事介好看啦，我伸长了头颈，看了半半六十日，哪能啥物事也没看到啦。

言午50

发了一个下半日个照片，乃朝我只肚皮有眼饿了，发眼吃个物事，先饱饱眼福再讲。

言午50

静思 发表于 2013-9-28 17:18
谢谢言午楼主，你的照片拍的老灵咯。
侬咯上海本地台也灵咯，不知大家是否都看懂了。
借言午楼主的宝地，也 ...

@静思 侬忒谦虚了，我拍个照片哪能好搭侬迭个老法师比个啦。

没想到，没想到。我乃朝介瘦了，肚皮浪向个肉也呒没了。我老早仔有得一百七十斤横里，乃朝瘦得来我自家也弗认得自家了。

言午50

言午50 发表于 2013-9-28 17:38
发了一个下半日个照片，乃朝我只肚皮有眼饿了，发眼吃个物事，先饱饱眼福再讲。
...

迭只“三弗敬”咸猪头赞伐？

言午50

搿顿聚餐阿拉是劈硬柴个
乃朝各到各处吃个物事侪弗灵个，侪是喂饲料搭仔浇化肥个，一眼也呒啥吃头，到是阿拉老贾手里向拎个搿桶米酒邪气赞，比崇明个老白酒味道还要好。

言午50

山浪流下来个泉水，覅付钞票个，我一口气吃脱满满个两杯，肚皮吃了赫涨。
赫好吃，一眼吃过个人侪辣辣讲，有眼甜咪咪个。
听人家侪辣讲好，阿拉队长摒弗牢了，也吃了一眼。
乘汽车去白相个人是别弗着吃个，伊拉只有眼痒阿拉个份。

言午50

那看伊拉辣路边浪打中觉，适宜伐？
横下来就睏，坐辣海也睏得着，两个老师傅伊拉个搿眼适应能力，我好好叫要学学伊了。